MAE rhestr fer caneuon ar gyfer Cân i Gymru 2025 wedi cael ei chyhoeddi.

Bydd Elin Fflur a Trystan Ellis-Morris yn ôl i gyflwyno'r gystadleuaeth fydd yn cael ei chynnal yn Dragon Studios, Pen-y-bont ar Ogwr ar nos Wener 28 Chwefror 2025.

Y cerddor Osian Huw Williams, prif leisydd y band Candelas a chyn gyd-enillydd y wobr yw cadeirydd panel y beirniaid a fydd yn mentora'r cystadleuwyr ac yn cyflwyno tlws Cân i Gymru i'r cyfansoddwr buddugol.

Y beirniaid yw’r cerddor Peredur ap Gwynedd; y gantores, actores a chyflwynydd Caryl Parry Jones, y rapiwr a chyfansoddwr Sage Todz a’r gantores a’r gyfansoddwraig Catty.

Y gwylwyr sy'n gyfrifol am ddewis cân fuddugol cystadleuaeth Cân i Gymru drwy bleidleisio am eu hoff gân.

Bydd proses bleidleisio newydd eleni a bydd y manylion yn cael eu rhannu yn ystod yr wythnos cyn y gystadleuaeth.

Mi fydd cyfansoddwr y gân fuddugol hefyd yn derbyn £5,000 a chytundeb perfformio, gydag ail wobr o £3,000 a thrydedd gwobr o £2,000.

Yr wyth cân sydd wedi cael eu dewis i gystadlu yw:

1 : Troseddwr yr Awr

Cyfansoddwyr : Dros Dro

Cantorion : Dros Dro

2 : Am Byth

Cyfansoddwr : Geth Vaughan

Canwr : Lewys Meredydd

3 : Torra Dy Gwys

Cyfansoddwyr : Elfed Morgan Morris, Carys Owen, Emlyn Gomer Roberts

Canwr : Catrin Angharad Jones

4 : Gwydr Hanner Llawn

Cyfansoddwr : Garry Owen Hughes

Canwr : Garry Owen Hughes

5 : Mae’r Amser Wedi Dod

Cyfansoddwyr : Heledd a Mared Griffiths

Cantorion : Heledd a Mared Griffiths

6 : Lluniau Ar Fy Stryd

Cyfansoddwr : Meilyr Wyn

Canwr : Gwen Edwards

7: Hapus

Cyfansoddwr : Geth Vaughan

Canwr : Geth Vaughan

8 : Diwedd y Byd

Cyfansoddwr : Marc Skone

Canwr : Marc Skone

Bydd yr holl ganeuon yn cael eu chwarae ar Radio Cymru o 18 Chwefror ymlaen.

Fe fydd modd i wylwyr adref ddilyn yr hanes ac ymuno yn y sgwrs ar y cyfryngau cymdeithasol drwy ddefnyddio #CiG2025.